Osa Cicc


non demorde

 Uocchi’ ‘o bbuco

Se dice che l’Ozzono è necessario.
Fa bbene a tutte : a ll’animale
a ‘e ppiante e a li cristiane.
Attuorn’ ‘a Palla nostra
è nu vestito! Nu velo trasparente
che se zuca tutte li raggi brutte
che a ru Sole, aunit’ a cchilli bbuon’,
vulesseno passa’ pe ce fa male!
‘O Pataterno, overo ce vo’ bbene,
cusette ‘stu vestito assaie prezioso
e pe’tant’anne simm’ stat’ bbuon’.
Mo’ tutte ‘nzieme ‘o bbuco s’è truvato!
‘A facc’ ‘e scemo ‘e turne ‘a ‘int’a cascetta
‘na vota dice che s’è stritto ‘o bbuco
e ‘n’ata vota ‘o bbuco s’è allargato.
Chi ha fatto ‘stu rammaggio?
E’ stat’ Tecnè, parente a Scienza.
Mentre che ce magnammo ‘o ppoco ‘e pasta,
stanno tranquille oppure assaie ‘ncazzate
p’ ‘e ccose che succedono ogni gghiurno
attuorno a nnuie o dint’ ‘a casa nosta,
esce nu strunzo e ce fa appaura’
Te piace l’acqua fresca a tutte ll’ore?
Te piace ‘o gelatiello pur’ ‘e vierne?
Te piace ‘e fa’ accattate ‘e surgelate
cu ccarne, pesce e ortagg’ ‘nquantità?
Pe’ cchest’ ‘o Polo Sud ce stà ‘o bbuco
e ‘e malatìe d’’a pelle so’ cresciute!
Stateve attiente ‘e raggi scanusciute!
Si jate a mmare, nu’ scummigliate zizze
o punte delicate d’ ‘e cciacelle!.
Ncopp’ ‘e mmuntagne stateve cchiù attiente!
A cchell’altezze ‘o raggio è cchiù fetente!
Mettiteve cappucci’, occhial’ scure, guante
e ttutte quant’ ‘e ccose pe ve salvaguarda’.
Simme ridott ’a cchest’! Che vriogna!
Nun ce penzamm’, nun è colpa nosta.
Chi ha fatt’ ‘o bbuco adda truva’ ‘o sistema
‘e risarci’ sta falla.
Pe’ nnuie, che simme miseri mortali,
so’ ’ati ‘e bbuchi centri d’interesse.
Mo’ uno, per esempio, ce ne sta
che va di moda assaie: ‘o vullechiello!.
Quanti nennelle cu ‘e panzell’ ’a fore
cu’ grazia o cu’ malizia, malcelata,
seguono ‘a moda, tu, vulenno o no,
stanno pa’ strada, ‘o bbuco l’hai vede’.

SISSANTINA

Mo’ stongo sott’ sotto
‘a Sissantina.
Nun so’ spusato.
Nun tengo ‘na famiglia.
Me so’ distratto!
Ma dint’ ‘a distrazion’
aggiu criato bbuon’:
dduie maschi